«Әбіш оқулары» республикалық ғылыми-шығармашылық конкурсының облыстық кезеңі

2025 жылдың 16 сәуір күні Мектеп олимпиадаларын және мектептен тыс іс-шараларды өткізетін облыстық орталықтың базасында «Әбіш оқулары» республикалық ғылыми-шығармашылық конкурсының облыстық кезеңі өтеді.

Конкурстың негізгі мақсаты - мектеп оқушылары арасында Әбіш шығармаларын насихаттау, олардың шығармашылық  қабілеттерін, эстетикалық талғамдарын, сөз мәдениетін дамыту, жазушының рухани мұрасына деген сүйіспеншілікке тәрбиелеу, тарихи танымдарын, ізгілікке, демократияға және азаматтыққа бағдарланған дүниетанымдары мен сана- сезімдерін, өмірлік ұстанымдарын қалыптастыру.

Әбіш оқуларының негізгі міндеттері - дарынды балаларды анықтау, әдеби мұралардың жүйелі оқылуын жолға қою.

Әбіш оқулары 4 бағыт бойынша өткізіледі:

1. Үй тапсырмасы. Ә.Кекілбаев шығармалары бойынша иллюстрациялық суреттер салу бағыты;
2. Ә.Кекілбаевтың прозалық және поэзиялық шығармалары бойынша мәнерлеп оқу бағыты;
3. Шығармашылық жұмыс бағыты;
4. Ә.Кекілбаевтың шығармаларынан сахналық қойылым бағыты.

Конкурстың ұйымдастырушысы: Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығы