Олимпиаданың мақсаты - оқушылардың математикаға деген қызығушылығын арттыру, теориялық білімдерін практикалық дағдыларын тереңдету.
Бұл олимпиада - физика-математика ғылымының докторы, профессор, Қазақстан Республикасының Ұлттық ғылым академиясының академигі Мұхтарбай Өтелбаевтың есімін иеленіп, әлемдік математика ғылымына жаңалық әкелген, қазақ баласының ой-өрісін биікке көтерген ұлы ғалымның ғылыми ізденістері, әлемге танылған еңбектерін насихаттаудағы игі істердің бірі болмақ.
Олимпиадаға еліміздің әр аймағынан (7 сыныптан 3 оқушы, 8 сыныптан 3 оқушы) жалпы 150 жас математик қатысады.
Олимпиаданың жабылу салтанаты 2025 жылдың 13 мамыр күні Тараз қаласындағы «Бақытты болашақ» оқушылар сарайында өтеді.
Ұйымдастырушылар: ҚР Оқу-ағарту министрлігінің «Дарын» республикалық ғылыми-практикалық орталығы, Жамбыл облысы әкімдігінің білім басқармасы.
