Жалпы білім беретін оқу орындарының 6-11 сынып оқушылары арасында республикалық «Ясауитану-2026» білім байқауының облыстық кезеңі 2026 жылдың 16 қаңтар күні Тараз қаласының білім бөлімінің № 64 орта мектебінің базасында өткізіледі.
Байқаудың мақсаты мен міндеттері:
1. Қазақ халқының рухани тұтастығын қалыптастырған Қожа Ахмет Ясауи бабамыздың хикметтерін насихаттау;
2. Өскелең ұрпақты ұлы баба мұрасын терең меңгеріп, зерттеуге ынталандыру;
3. Жас өркеннің интеллектуалдық пайым-парасатын арттыру;
4. Жас буынды елдік санаға баулу;
5. Ұлы баба өнегесімен шәкірттерді адамгершілікке, ізгілікке баулу;
6. Қожа Ахмет Ясауи кесенесінде жерленген тарихи тұлғалардың өмірі мен қызметін өскелең ұрпақтың бойына сіңіру;
7. Тарихи-мәдени ескерткіштерді, жәдігерлерді насихаттау.
Байқаудың өткізілу тәртібі:
1. Дәстүрлі «Ясауитану» Республикалық байқауына оқыту тіліне қарамастан, мемлекеттік және мемлекеттік емес жалпы білім беретін оқу орындарының 6-11-сыныптарының оқушылары қатыса алады.
2. Сайысқа www.azretsultan.kz веб-сайтына жарияланған 40 хикметті жаттаған оқушылар қатысады.
3. www.azretsultan.kz веб-сайтында жарияланған сұрақтар негізінде аудандық және облыстық іріктеу турлары өткізіледі.
І кезең орта мектептерде іріктеу сынынан жеңіп шыққан 5 оқушы аудандық іріктеу сайысына жіберіледі.
ІІ кезең аудандық іріктеуден үздік шыққан 5 оқушы облыстық іріктеу сайысына қатысады.
ІІІ кезең облыстық іріктеу сайысынан үздік шыққан 5 оқушы Республикалық сайысқа қатысуға жолдама алады.
Облыстық іріктеу сайысын өткізу тәртібі
1. Облыстық іріктеу турына аудандық іріктеуден жеңіп шыққан бес оқушыға дейін қатыса алады.
2. Облыстық іріктеулер «Әзірет Сұлтан» музей-қорығы бекіткен Ереже негізінде ұйымдастырылады.
3. Облыстық сайыста қойылатын билет сұрақтары azretsultan.kz веб-сайтына жарияланған талаптарымен сәйкес келуі тиіс.
4. Облыстық байқауда жоғары нәтиже көрсеткен 5 оқушы байқаудың Республикалық кезеңіне қатысады.
Байқаудың ұйымдастырушылары: Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығы
