2026 жылдың 4 ақпан күні жалпы білім беретін мектептердің 7-11 сынып оқушылары арасында облыстық «Бауыржан оқулары» ғылыми-шығармашылық байқауы өтеді.
Байқаудың мақсаты мен міндеті:
- Даңқты қолбасшы, майдангер-жазушы Бауыржан Момышұлының өмірі мен шығармашылығын кеңінен насихаттау, өскелең ұрпақты ұлттық ата-дәстүр рухына баулу арқылы жастардың шығармашылығын шыңдау, эстетикалық талғам мен тұлғалық қасиетті насихаттау;
- Оқушылар арасында майдангер – жазушы Бауыржан Момышұлы шығармаларын насихаттай отырып, дарынды балаларды қолдау, отансүйер, білімді, рухы берік азаматтарды тәрбиелеу.
Байқау 5 номинация бойынша жүргізіледі:
- «Қайратыңа әдісіңді жолдас ет,әдісіңе ақылыңды жолдас ет...» бағыты бойынша қатысушылар жазба (эссе) жұмысын орындайды.
- «Алаштың айбыны - Бауыржан Момышұлы» бағыты бойынша Б.Момышұлының шығармаларындағы көркем ойталғам мен түсінік, ұлттық танымның ерекшеліктерін, адамзат, ұлт руханиятындағы мәнмен сабақтастыра отырып, ғылыми зерттеу жоба әзірлеу және оны қорғау.
- «Сыр айтам саған, халқым, ұға білсең» бағыты бойыша втордың туындыларынан үзінді жатқа оқу (өлеңдер, прозалық шығармаларынан үзінділер)
- «Томаға киген тау бүркіт» бағыты бойынша жас ақындар Б.Момышұлына өздерінің арнау өлеңдерін оқиды.
- «Ел дегенде еміреніп, жұрт дегенде жүгініп қызмет еткін!» бағыты бойынша қатысушылар берілген тақырыптар бойынша TEDх форматында өз идеяларын ұсынып, тұжырым жасайды.
Байқаудың облыстық кезеңін ұйымдастырушы: Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығы
