2026 жылдың 28 наурыз күні ақын Серік Томановтың туғанына 70 жыл толуына орай жалпы білім беретін мектеп оқушыларының арасында «Серік оқулары» облыстық әдеби-шығармашылық байқауының өтеді.
Байқаудың мақсаты мен міндеті:
- Ақын, жазушы Серік Томанов шығармаларын терең меңгерту, жас ұрпақтың рухани дүниетанымын байыту;
- Поэзияға деген қызығушылықты арттыру және талантты жастарды анықтау және қолдау;
- Өскелең ұрпақтың рухани-адамгершілік құндылықтарын нығайту және көркем сөз өнеріне баулу.
Байқау қатысушылары
Байқауға облыстың жалпы білім беру ұйымдарының 8-11 сынып оқушылары қатыса алады. Екі номинация бойынша аудандық/қалалық кезеңде жеңімпаз атанған 2 оқушы (әр номинацияға – 1 оқушы) қатысады. Серік оқулары – қазақ тілінде жүргізіледі.
«Серік оқулары» екі номинациядан тұрады:
1. «Көркем сөз шебері» номинациясында үміткер Серік Томановтың шығармашылығынан жатқа білетін өлеңдерінің тізімін әкеліп алдын-ала қазылар алқасына ұсынады. Ұсынылған тізімнен қазылардың нұсқауымен кез-келген өлеңді жатқа оқиды. Қазылар тізім бойынша бірнеше өлеңді жатқа айтуын ұсынады. Үміткердің жатқа білетін өлеңдерінің санына және мәнерлеп, көркем оқылуына баға қойылады.
Бағалау критерийі:
- жатқа айтуда тіл тазалығы;
- сөйлеу мәнері және мәдениеті;
- жатқа білетін өлеңдер саны;
- сахналық мәдениеті.
2. «Жас ақын» бағыты бойынша жас ақындар Серік Томановқа өздерінің арнау өлеңдерін оқиды. Қатысушы өз шығармаларының жинағын (кітапша) байқау басталғанға дейін ұсынуы қажет.
Бағалау критерийі:
- көркем оқуы мен мәнерлігі;
- ерекше ұйқасы мен құрылымы;
- дауыс интонациясын сақтауы;
- сахнада өзін-өзі ұстауы;
- жинақтағы жалпы өлеңдер саны.
Байқаудың облыстық кезеңін ұйымдастырушы: Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығы
