2026 жылдың 29 сәуір күні жалпы білім беретін мектеп оқушылары арасында республикалық «Абай оқулары» конкурсының облыстық кезеңі Абай атындағы дарынды балаларға арналған мамандандырылған қазақ тілі мен әдебиетін тереңдете оқытатын мектеп-гимназиясының базасында өтеді.
Конкурстың мақсаты – қазақ халқының әдеби мұраларын дәріптеу, мектеп оқушыларының классикалық әдебиеттерді оқуға деген қызығушылықтарын арттыру.
Конкурстың міндеті: Абай және Шәкәрім шығармаларындағы эстетикалық талғам мен тұлғалық қасиетті насихаттау, ұлылар поэзиясына, ұлттың рухани мұрасына деген сүйіспеншілікке тәрбиелеу.
Конкурс қатысушылары
Байқауға облыстың жалпы білім беру ұйымдарының 8-11 сынып оқушылары қатыса алады. Бес номинация бойынша аудандық/қалалық кезеңде жеңімпаз атанған 5 оқушы (әр номинацияға – 1 оқушы) қатысады.
Абай оқулары 5 номинация бойынша өтеді:
1. «АБАЙДЫҢ АСЫЛ МҰРАСЫ» - Абай өлеңдері мен қара сөздерін жатқа оқу номинациясы;
2. «АБАЙДЫҢ АҚЫН ШӘКІРТТЕРІ» - Шәкерім Құдайбердіұлы, Ақылбай Абайұлы, Мағауия Абайұлы шығармаларын жатқа оқу номинациясы;
3. «ӘНДІ СҮЙСЕҢ МЕНШЕ СҮЙ» - Абай және Шәкәрім, Ақылбай әндері мен күйлерін орындау шеберлігі номинациясы;
4. «ӨЛЕҢГЕ ӘРКІМНІҢ-АҚ БАР ТАЛАСЫ» - оқушылардың өз өлеңдерін оқу номинациясы;
5. «СӨЗ ӨНЕРІНДЕГІ ҰЛЫ АБАЙ БЕЙНЕСІ» - Абай туралы көркем туындыларды толық білу, талдау жасау номинациясы.
Байқаудың облыстық кезеңін ұйымдастырушы: Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығы
