МЕНЮ

9-10 сынып оқушыларына арналған жас тарихшылардың «Менің шағын Отаным» атты республикалық интеллектуалдық конкурсының облыстық кезеңі 21 қазан күні өткізіледі

Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығының ұйымдастыруымен 2026 жылдың 21 қазан күні 9-10 сынып оқушыларына арналған жас тарихшылардың «Менің шағын Отаным» атты республикалық интеллектуалдық конкурсының облыстық кезеңі Тараз қаласының білім бөлімінің Қаратай Тұрысов атындағы №53 мектеп-гимназиясының базасында өтеді.

Конкурстың мақсаты – оқушылардың туған өлке тарихына қызығушылығын арттыру, өлкетану зерттеуін жүргізу, тарихи дереккөздерді іздеу, талдау және салыстыру, негізделген қорытындыларды тұжырымдау, сондай-ақ зерттеу нәтижелерін көпшілік алдында таныстыру дағдыларын дамыту.

Интеллектуалдық конкурсқа аудандық, Тараз қаласының және облыстық дарынды балаларға арналған мамандандырылған білім беру ұйымдарының оқушылары қатысады.

Конкурс 2 турдан тұрады:

I тур - тестілеу;
II тур - номинациялар бойынша жұмысты қорғау. 

Конкурс номинациялары:

9-сынып оқушылары үшін

1. «Өлкемнің цифрлық шежіресі»
2. «Бір жәдігер-бір тарих»

10-сынып оқушылары үшін

3. «Тұлға және дәуір: цифрлық тарихи портрет»
4. «Ақылды өлке: болашаққа арналған шешім» 

Қатысушыларға сәттілік!

Жамбыл облысы әкімдігінің
білім басқармасының «Жамбыл дарыны»
аймақтық ғылыми-практикалық орталығы»
коммуналдық мемлекеттік мекемесі
Сайтты әзірлеу
Semstar