Республикалық «Мұқағали Мақатаев оқулары» байқауының облыстық кезеңі өтті

Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығының ұйымдастыруымен 2025 жылдың 7 ақпан күні Тараз қаласының білім бөлімінің Мұқағали Мақатаев атындағы №14 орта мектебінің базасында жалпы орта білім беретін мектептердің 7-11 сынып оқушылары арасында республикалық «Мұқағали Мақатаев оқулары» байқауының облыстық кезеңі өтті.

Байқаудың мақсаты - Республикалық жалпы білім беретін мектеп оқушыларының шығармашылық қабілеттерін, эстетикалық талғамдарын, тума талант, табиғи дарындарын анықтау.​

Байқауға аудандық, қалалық білім беру ұйымдарынан және облыстық білім басқармасына қарасты мекемелерден 39 оқушы қатысты.

Байқау 3 номинация бойынша өтті:

1. «АЙТЫП ӨТКЕН АҚЫНДА АРМАН БАР МА?» - Мұқағали Мақатаевтың шығармаларын мәнерлеп оқу бағыты;
2. «ЖЫР ЭСТАФЕТАСЫ» - Мұқағали Мақатаевтың поэмаларын жатқа оқу бағыты;
3. «КӨКІРЕГІМДЕ ЖЫР СӘУЛЕСІ МАЗДАЙДЫ» - өз шығармасын жатқа оқу бағыты.

Байқаудың нәтижесінде Жамбыл облысы әкімдігінің білім басқармасының І дәрежелі дипломын - 3 оқушы, ІІ дәрежелі дипломын - 6 оқушы, ІІІ дәрежелі дипломын - 10 оқушы иеленіп, терең білімі үшін грамоталармен марапатталды. Сонымен қатар, барлық оқушыларға сертификаттар берілді.