Жамбыл облысы әкімдігінің білім басқармасының «Жамбыл дарыны» аймақтық ғылыми-практикалық орталығының ұйымдастыруымен 2025 жылдың 27 ақпан күні Тараз қаласының білім бөлімінің Жамбыл атындағы №5 мектеп-гимназиясының базасында жалпы орта білім беретін мектеп оқушылары арасында Жамбыл Жабаевқа арналған «Жыр алыбы - Жамбыл» атты республикалық жас ақындар айтысының облыстық кезеңі өтті.
Айтыстың мақсаттары мен міндеттері:
- оқушылар арасында Жамбыл Жабаевтың шығармаларын насихаттау;
оқушылардың суырып салмалық қабілеттерін, тума талант, табиғи дарындарын анықтау;
- оқушылардың поэзияға деген құштарлығын арттыру, ауыз әдебиетінің рөлін, өлең сөзінің құдіреті мен қуатын жанымен сезініп, жүрегімен түсіне білуге үйрету;
- айтыскер жас ақындарға әлеуметтік-рухани қолдау көрсетіп, олармен шығармашылық жұмыс түрлерін жандандыру;
- осы айтысқа сәйкес жыр-терме айту үрдісін жаңғырту.
Айтысқа аудандық, қалалық білім беру ұйымдарынан және облыстық білім басқармасына қарасты мекемеден 18 оқушы қатысты.
Айтыс 2 номинация бойынша өтті:
Айтыстың нәтижесінде Жамбыл облысы әкімдігінің білім басқармасының Бас жүлдесін - 2 оқушы, І дәрежелі дипломын - 2 оқушы, ІІ дәрежелі дипломын - 2 оқушы, ІІІ дәрежелі дипломын - 4 оқушы иеленіп, терең білімі үшін грамоталармен марапатталды. Сонымен қатар, барлық оқушыларға сертификаттар берілді.
