2025 жылдың 14 мамыр күні «Жамбыл дарыны» аймақтық ғылыми-практикалық орталығының ұйымдастыруымен ҚР Президенті Қ.Тоқаевтың 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты Қазақстан халқына Жолдауын іске асыру мақсатында «Эко-күнтізбе» айдарында жоспарланған облыстық 5-8 сынып оқушыларына арналған «Eco-Future» тақырыбындағы экодизайнерлер байқауының облыстық кезеңі Тараз қаласының білім бөлімінің №4 мектеп базасында онлайн форматта өтеді.
Байқаудың мақсаты: Оқушылардың қоршаған ортаны қорғауға, өз туған өлкесінің экологиялық ахуалын жақсартуға бағытталған дизайнерлік қабілетін, креативті ойлау әлеуеті мен қоғамдық белсенділігін дамыту.
Байқаудың міндеттері: Оқушылардың экология саласындағы бастамалары мен тың идеяларын анықтау, қатысушылардың ұйымдастырушылық және дизайнерлік қабілеттерін дамыту, оқушылардың қоршаған ортаның жай-күйі үшін экологиялық жауапкершілігін қамтамасыз ететін білім мен дағды жүйесін қалыптастыру.
Қатысушыларға сәттілік!
